干拿巴特利前途無限。(Getty Images)

利物浦同阿歷山大阿諾特續約陷入僵局，盛傳呢位英格蘭國腳夏天好大機會自由身加盟皇家馬德里，「紅軍」亦提前做好準備，決定向右閘新星干拿巴特利提前續約，並且答應瘋狂加薪650%！

據英國《太陽報》報道，利物浦認為巴特利有足夠能力頂替阿諾特，呢位21歲北愛爾蘭國腳目前合約到2027年，利物浦就希望同佢提前續約到2030年，續約談判已經展開，領隊施洛對佢充滿信心。

報道指巴特利依家周薪只得1萬鎊，新合約會大幅增加至75,000鎊，符合番佢主力球員嘅身價。巴特利上季喺英超上陣11場，今季仲未踢完已經有12次上陣，歐聯亦有5次上陣紀錄，明顯係重點栽培。